يسعدنا في موقع
القصة إن نقدم لكم جديد القصص بكافة أنواعها ( قصص واقعية, قصص
دينية , قصص الأنبياء ,قصص إسلامية , قصص كليلة ودمنة ,قصص ألف ليلة وليلة , قصص الحب, قصص الفراق, قصص سياسية , قصص النساء , قصص رومنسية , القصص البوليسية,
القصة القصيرة,قصص خيانة , قصص وعبر , والعديد من القصص
المتميزة والشيقة والرائعة , واليوم نقدم لكم قصة جديدة بعنوان ” قصة خيانة غير مغفورة لإسراء عزام ( الجزء الأول) ” وهي من القصص الشيقة
والرائعة وتحمل الكثير من الحكم والعبر, نتمنى لكم قراءة ممتعة.
**************
واخيرآ خلصت جامعة وتخرجت ... حققت الحلم اللي ببالي وراح اصير مهندسة قد ال دنيا ... مو قادرة اوصف فرحتي .. ولا الفرحة اللي شايفتهاا بعيون امي واخوي احمد ... ولو ابوي الله يرحمو كان عايش .. كان نبسطلي اكتر من الكل ..
انا حلا عمري 22 سنة .. بنت بسيطة من الطبقة المتوسطة .. حلوة وطويلة .. حنطية وعيوني عسليات ووساع ... راكزة عشوية جنون .. عايشة مع امي واخوي احمد اللي عمروا 17 سنة ... ما عمري فكرت اني احب وانحب بطول السنين اللي مرقت بحياتي ... كان همي اني اوقف مع امي اللي بتشتغل خياطة بالبيت عشان تصرف علي وعلى احمدد .. وهمي التاني كان بدراستي
ومن بعد تخرجي بشهر عملت CV " سيرة ذاتية " .. وبلشت ادور عشغل ... كل يوم اطلع والف ... عجزت الاقي .. حفيو رجلي وضليت على هاي الحالة لمدة شهرين ... الكل بيرفضوني لاني خريجة جديدة وما معي خبرة ... صراحة فقدت الامل اني الاقي شغل
... ويوم وانا سهرانة عالنت شفت اعلان
(( مطلوب خريجين وخريجات هندسة .. للاستفسار يرجى الاتصال على الرقم الاتي 078******* ))
بس شفت الخبر نطف قلبي وحسيت بواب الدنيا كلها نفتحت بوجهي ... صرت اضحك واغني بصوت عالي .. بدون وعي
- احمد : مالكك حلا ؟؟ نهبلتي اشي ! الساعة 12 ونص بالليل وانتي بتغني بصوت عالي وبتتضحوكي .. شكلكك شرتتي اختي .. ههه الله يعينكك يا ام احمد عهيكك بنت
- حلا : ولا يا فصعون .. ما نهبلت ولا شرتت .. بسس لا قيت شغل
- احمد : بربكك ؟ يعني حتصيري تشتغلي ورح تشتريلي البلايستيشن اللي بدي ياه ؟
- حلا : اهه ... ورحح اجيبلكك كلشي نفسكك فيه كمان
- احمد : يسس
صار يرقص ويغني معي ... نهبل معي يعني هه ... طبعا بهديك الليلة ضليت افكرر .. كيف رحح يكون شغلي وشو رحح اعمل .. والف فكرة بتدور براسي ... وبتاني يوم صحيت بكير منعنشة ومتنشطة .. ضبضبت البيت وحضرت فطور وقعدت استنى امي واحمد ليصحوا ... كانت الابتسامة معبية وجهي مو مكشرة كالعادة ..
واول ما قعدت امي عالسفرة ..
- ام احمد : شو حلا .. شايفتكك صاحية نشيطة ومبسوطة .. شو صاير معكك ؟؟ ابسطيني معكك امي
- احمد : امي هاي الهبلة لاقت اعلان عالنت انو بدهم خريجين هندسة ... رحح نصير نرتاح من وجهها بالنهار ..
- حلا : هلا هيكك سيد احمد ؟؟ بدكك ترتاحح مني قلتلي .. طيييب .. يلا عدراستك وفش بلايستيشن .
- احمد : يييي قصدي رحح نشتاقلكك .. اسف اسف
- حلا : ايواا هيكك ، جلسس
- ام احمد : خلص انت وياها بلا ولدنة .. شو القصة حلا ؟؟
- حلا : امي لاقيت اعلان بدهم خريجين هندسة .. رح ارن عليهم هلا عشان اخد عنوان الشركة واروح اقدم
- ام احمد : يا حبيتي .. يلا منيح .. الله يوفقكك ويرزقكك
خلصت اكل وقمت رنيت عالشركة
- الموظفة : مسا الخير ، معكك هيا من شركة الخالد .. كيف بقدر اساعدكك ؟
- حلا : مسا النور ، عفوا انتو حاطين اهلان بدكم خريجين هندسة .. لو سمحتي تعطيني عنوانكم عشان اجي اقدم طلب
- الموظفة : تكرمي ... شركتنا في منطقة *****
شارع *****
- حلا : يسلمو كتير .. غلبتكك
نقلت العنوان عورقة .. وقمت لبست احلا لبس عندي واخدت رضا امي ... واخدت تكسي وطلعت عالعوان اللي حكولي عنوو ... ولما وصلت ... لقيت حالي واقفة قدامم عمارةة كبييير كتيير اكترر من 40 طابق ... وكلهاا قزازز ... ومنظر الشجر اللي عباب الشركة لحالو بيفتح النفس ... شكلوو صاحب الشركة مريش ووضعو مرتاح ... مشيت اتجاه المدخل ... ولما دخلت نبهرت من الديكورات الداخلية ... اشي ولا بالخيال ... طلعت وقدمت طلب وحكولي انو بردولي خبر بعد بكم يوم
بعد بيومين صحيت على اتصال من رقم غريب
- حلا : الو
- الموظفة : معي الانسة حلا ابراهيم !
- حلا : ايوا تفضلي
- الموظفة : معكك شركة الخالد ... انتي قدمتي طلب عمل عنا .. وبحب احكيلكك انوو من بكرا بتقدري تبلشي دوام ...
- حلا : عنجد .. يسلمو كتير
فزيت من تختي وبشرت امي واحمد انهم قبلوني بالشركة ... وصحيت تاني يوم كلي نشاط وحيوية وطاقة ... لبست وطلعت عشغلي ... كنت على استعداد تام لاول يوم دوام
وصلت الشركة ودلوني عمكتبي ... معي بالمكتب شبين وبنت ... تعرفت عليهم ... وخلطتي كانت اقوى بالبنت " ديما " اما رامي واسعد ما كنت كتير اختلط فيهم ..
صرت انا وديما صحبة كتير ... اسرارنا عند بعض ونروح ونيجي عند بعض .. ما حد قدناا ... الكل كانو يحسدونا عصحبتنا اللي احنا فيها
وبيوم من الايام المدير طلب منا احنا الاربعة تصاميم ورحح يختار اكتر تصميم بيعجبو ... كل واحد فينا شتغل وتعب عتصميمو ووديناهم للمدير ...
بعد بيوم من ارسال التصاميم .. اجاني خبر انو المدير طالبني بمكتبوا ... انا صراحة خفت كتير ليكون عندي خطىء بالتصميم ... حملت حالي وطلعت عند المدير اللي لهلا ما بعرف كيف شكلو ... دقيت الباب وانا برجف
- خالد : تفضل
دخلت .. المكتب كتير كبير وفي قسم للاجتماعات ... تطلعت شفت طاولتو ... كان قاعد ورا المكتب بس لافف الكرسي عجهة الحيط
- حلا : استاذ خالد انا حلا .. تفضل حضرتك طلبتني .. ان شالله خير
- خالد : كل الخير ان شالله
ولف الكرسي عجهتي ... وقتها حسيت الدنياا لفت فيي .. ما كنت متوقعة انو مدير الشركة شب صغير وحليوة هيكك .. عليه جمال اسم الله ...
- خالد : انسة حلا .. تصميكك كتير عجبني والصراحة اكترر من رائع ... انا بتشرف انو انتي مهندسة معي بالشركة ... وبدك تتحمليني رح اصير اعطيكي تصاميم كبيرة وضخمة ..
- حلا : انا اللي الي الشرف انكك تحملني هيك مسؤولية كبيرة
طلعت من مكتبوا وانا مرتاحة نفسيا انو شغلي عاجب المدير لهاي الدرجة ... وكنت اخد بالشركة راتب محترم .. وقدرت انقل انا واهلي عشقة افخم .. وخليت امي تبطل شغل الخياطة لانو راتبي مكفي الحمدلله ...
وصار استاذ خالد يركن علي بأغلب الشغل ... وكتير يناديني عمكتبو ويناقشني ويخليني اشرحلو اشيا بالتصاميم ... والصراحة .. مشاعري بلشت تتحرك اتجاهو لا ارادي ... وكنت احسو هو كمان بحس اتجاهي بنفس المشاعر ... بس كنت اكزب حالي واحساسي .. واحكي ببالي مستحيل واحد متل خالد يتطلع عبنت بسيطة متلي ...
لما اجا اليوم اللي ما كنت متوقعتو ... طلبني الاستاذ خالد لمكتبو ... حملت حالي ورحت بسرعة
- حلا : خير استاذ خالد ... طلبتني في اشي مو عاجبك بالتصميم الجديد
- خالد : اول اشي ما في داعي تحكيلي استاذ .. احكيلي خالد حاف
حمروا خدودي وسكتت .. قرب مني ... حطيت راسي بالارض .... رفع راسي وحط عيوني بعيوو
- خالد : تاني اشي انا بحبكك ..
- حلا : ------------
- خالد : وبعرف انو انتي كمان بتحبيني ، ومشان ما تفكري اني بضحكك عليكي .. خديلي موعد مع امكك بكرا الساعة 6
هزيت راسي ... وحملت حالي وطلعت من عندو ورحت عند ديما ركض وخبرتها باللي صار ... ما عجبهاا الوضع ... هيك حسيت من ايحاءات وجهها ... شعوري كان ما بينوصف ..
بالفعل اجا وطلبني ... وما كان فارق معو مستوانا المعيشي المختلف ... وانا ما كنت طمعانة بمصاريه لاني شبعانة الحمدلله .... حتى اني فضلت سكنة البيت الصغير عن سكنة القصر ...
ايام الخطبة كانت احلا ايام بحياتي .... كان ما يخلي اشي ببالي ويحبني حب جنون ... وفضالي مكتب الي لحالي جمب مكتبو بالزبط عشان اضل قريبة منو
بفضل الله تزوجنا بعد 5 شهور خطبة ... ونعمللي عرس ما كنت احلم في بحياتي .... وطلعت انا متل الاميرات ... عيون خالد كانت طول الوقت علي ... كانو مو مصدق انو كل هالحلا والجمال الو ...
وبعد ما خلص العرس عطول ركبنا الطيارة وسافرنا عتركياا ... قضينا هناكك شهر كامل ... خالد دللني دلال ما شفت متلو بحياتي .... فطوري كان يوصلني عتختي .... ويعاملني كاني اميرة .... وبعد ما خلص شهر العسل .... رجعنا عالبلاد ... ورجعت حياتنا متل اول ... نروح ونجي عالشركة ونشتغل بكل حب ... وكان خالد يستشيرني بالصغيرة قبل الكبيرة ...
وبعد بسنة من الزواج عرفت اني حامل .... وقررت اعمل مفاجأة لخالد واخبرو بحملي بطريقة غير تقليدية ... وتحججت بهداك اليوم اني تعبانة مشان اروح قبلو واحضر لمفاجئتي ... روحت البيت وعبيت الطريق شموع وبين كل كم شمعة حطيت كروت مكتوب عليهم غزل .... لما وصل باب الغرفة كنت انا متخبية ... وتاركة عالتخت اواعي بيبي وكرت مكتوب عليه رحح تصير بابا .... اول ما شاف هالشوفة انبسط كتيير ... وصار ينادي عليي ... طلعت وحضنتو
- حلا : مبسوط ؟
- خالد : اه طبعا مبسوط ... وكك انتي حامل هلا ... يعني في ببطني قطعة مني ومنكك
- حلا : بدي البيبي حلو متلكك
- خالد : لا لا متلككك حلوو بدي ياه
- حلا : هههه طيب طيب
ومن خوف خالد علي و على البيبي طلب مني ما اداوم بالشركة .... وانو رحح يخلي ديما صاحبتي تتولا كل الامور ... مرقوا تسع شهور حملي كانهم تسع سنين ... كنت احسب بالثانية وبالدقيقة .... لحتى اجا اليوم الموعود .... اللي اجت في جنى حبيبة قلبي ونورت حياتي وحياة ابوهاا ... وصارت تكبر وتحلا ... وانا وخالد نتقاتل عليهاا ... مين بد يلعبها ومين بدو يحملها
بسس شوي شوي صرت احس خالد بطل يهتم متل الاول وصار يتغير ... حسيت في فجوة نفتحت بيني وبينو ... فكرت فيها منيح وقررت احكيلو انو بدي ارجع عالشغل واحط جوجو بحضانة بلكي الشغل رجع قربنا من بعض ... وستنيتو اول ما روح وفتحت معو الموضوع
- حلا : حبيبي
- خالد : نعم
- حلا : شو رئيك احط جوجو بحضانة ! وارجع للشركة ؟
- خالد : براحتك
- حلا : طيب معناتو خليهم يزبطولي مكتبي من الصبح
- خالد : مكتبكك اخدتو ديما وكل شغلها في ... عيب نطلعها ... بشوفلك مكتب تاني ..
- حلا : طيب
طبعاً تغيرت ملامح وجهي وحسيت حالي بحكي مع شخص غريب مو مع خالد حبيبي ...
يتبع : قصة خيانة غير مغفورة لإسراء عزام ( الجزء الثاني) .
ليست هناك تعليقات:
إرسال تعليق